කොරෝනා රෝගීන් වාර්තා නොවීම සැලකිල්ලට ගනිමින් රට යලි විවෘත කිරීමට රජය තීරණය කළා !



පසුගිය සතිය තුලදී සමාජයෙන් කොරෝනා ආසාධිත රෝගීන් වාර්තා නොවීම සැලකිල්ලට ගනිමින් රට යලි විවෘත කිරීමට රජය තීරණය කළ බව සෞඛ්‍ය අමාත්‍ය පවිත්‍රා වන්නිආරච්චි මහත්මිය පවසනවා.
හෙට දිනයේ රට විවෘත කිරීමෙන් රජය බලාපොරොත්තු වෙන්නේ ආර්ථිකය යලි ගොඩනැගීම බවත් ඒ හේතුවෙන් ජනතාවට වගකීමක් ඇති බවත් ඇය ප්‍රකාශ කර සිටියා.
තමන්ගේ ආරක්ෂාව තමන් විසින්ම සලසා ගත යුතු බවද ඇය පෙන්වා දෙනවා.
” විශේෂයෙන්ම සුදුවැල්ල, කොළඹ 12, බණ්ඩාරනායක මාවත සහ ඒ ආශ්‍රිත ප්‍රදේශවලින් පසුගිය සතිය තුලදී කොරෝනා ආසාධනයවූ රෝගීන් වාර්තා වීමක් සිදුවුයේ නැහැ. වැලිසර නාවික හමුදා කඳවුරේ ආසාධනයට ලක්වූ නාවික හමුදා සෙබළුන් සහ ඔවුන්ගේ සමීප ආශ්‍රිතයින් තමයි රෝගීන් හැටියට වාර්තා වීම් සිදුවුයේ. මේ හේතුවෙන් රටේ ජනතාවට වැඩි වගකීමක් තිබෙනවා වගේම තමන්ගේ ආරක්ෂාව තමන් විසින්ම සලසා ගත යුතුයි. නාවික හමුදා සාමාජිකයින් සමග සමීප සම්බන්ධකම් පැවැත්වූ පුද්ගලයින්ව තවදුරටත් නිරෝධායන ක්‍රියාවලියට යොමු කර තිබෙනවා. හෙට රට විවෘත කළා කියලා ඔවුන්ට නිවෙස් වලින් බැහැරට යාමේ හැකියාවක් නොමැති බව මතක් කළ යුතුයි. ඒ වගේම රටේ සාමාන්‍ය ජනතාව අනවශ්‍ය ලෙස නිවෙස් වලින බැහැරව නොගොස් මේ සිදුකර ගෙන යන ක්‍රියාවලියට සහය ලබාදීම ඉතාමත් වැදගත්” බව සෞඛ්‍ය අමාත්‍යවරිය කියා සිටියා

Post a Comment

0 Comments