Popular Posts






ඉස්ලාම් රාජ්‍ය ත්‍රස්ත සංවිධානයට සිරියාව හා ඉරාකය අහිමිවීම හේතුවෙන් ඔවුන්ගේ අවධානය ඉන්දීය සාගර කලාපය දෙසට යොමුව ඇති බවත් ඒ අනුව ශ්‍රී ලංකාව හා ඉන්දියාව මේ හේතුවෙන් තර්ජනයකට ලක්ව ඇති බවත් ඉන්දීය බුද්ධි අංශ වාර්තා අනතුරු අඟවා ඇති බව ඉන්දීය මාධ්‍ය වාර්තා කරනවා.
ඉන්දියාවේ රාජ්‍ය බුද්ධි අංශය මේ සම්බන්ධයෙන් කේරළයේ ඉහළ පොලිස් නිලධාරීන්ට ලිපි 03ක් යොමුකරමින් දන්වා ඇති බවයි ඉන්දීය මාධ්‍ය වාර්තා කරන්නේ.
මෙහිද එක් ලිපියකින් ඉන්දියාවේ කෝචිහි සුප්‍රසිද්ධි සාප්පු සංකීර්ණයක් IS ප්‍රහාරයකට ල්කවිය හැකි බව දන්වා ඇති අතර තවත් ලිපියකින් දන්වා ඇත්තේ IS මතවාදී අදහස් ඇති පිරිස් තම රටවල් තුළ සිටිමින් ජිහාඩ් පන්නයේ සහාසික ක්‍රියාකාරකම් සිදුකිරීමට උත්සාහ කරන බවයි.
ඉන්දියාවේ කේරළ, තමිල්නාඩුව, ආන්ද්‍රා ප්‍රදේශය හා කාශ්මීරය IS ක්‍රියාකාරකම් වලින් වැඩි වශයෙන් බලපෑමකට ලක්ව හැකි ප්‍රදේශ බව ඉන්දීය ආරක්ෂක අංශයේ ඉහළ නිලධාරීන් සඳහන් කර තිබෙනවා.
ඉස්ලාම් රාජ්‍ය ත්‍රස්තවාදීන්ගේ සන්නිවේදන මාධ්‍ය අතර ටෙලිග්‍රෑම්, මැසෙන්ජර් ප්‍රධාන තැනක් ගත්තත් එහිදී තොරතුරු බාහිර පාර්ශ්වයන්ට Hack වීම හේතුවෙන් විකල්ප ලෙස Chatsecure, Signal හා Slilent Text යන යෙදුම් භාවිත කිරීමට කටයුතු කරනු ඇති බවත් ඉන්දීය බුද්ධි අංශ අණාවරණය කරගෙත තිබෙනවා.
ඉන්දියාවේ කේරළ ප්‍රාන්තයේ පමණක් 100කට අධික පිරිසක් ඉස්ලාම් රාජ්‍ය ත්‍රස්ත සංවිධානයට සම්බන්ධ වී ඇති බවත් 3000කට අධික පිරිසක් රැඩිකල් මතවාද දරණ බවත් දකුණු ඉන්දියාවේ උපදේශන සේවා සපයන මධ්‍යස්ථාන 21ක් පමණ ඇති බවත් ඉන්දියාව තොරතුරු වාර්තා කරගෙන තිබෙනවා.
කෙසේ වෙතත් ඉන්දීය ආරක්ෂක අංශ මේ වන විට මේ සම්බන්ධයෙන් විමර්ශන ආරම්භ කර ඇතැයි සඳහන්.
එසේම කේරළයේ මුහුදු වෙරළ දැඩි ආරක්ෂාවකට යටත් කර ඇති අතර ශ්‍රී ලංකාවට එල්ල වූ පාස්කු ප්‍රහාරයෙන් අනතුරුව ඉන්දීය ආරක්ෂක අංශ මේ වන විට පුද්ගලයන් 30ක් පමණ සමීපව පරීක්ෂා කරන බවත් ඉන්දීය ආරක්ෂක අංශ වැඩිදුරටත් සඳහන් කරනවා.

0 comments

Post a Comment

Trending

facebook