හිටපු ජනාධිපති වර්තමාන විපක්ෂ නායක හින්ද රාජපක්ෂ මහතාගේ වැඩිමහල් පුත් පාර්ලිමේන්තු මන්ත්‍රී නාමල් රාජපක්ෂ මහතාගේ විවාහ උත්සවය සැප්තැම්බර් මස 17 වනදා පැවැත්වීමට නියමිත බව ඒ මහතා ප්‍රකාශ කර ඇත.

තම විවාහය සම්බන්ධයෙන් නාමල් රාජපක්ෂ මහතා මුල් වරට හෙළිකර ඇත්තේ මෑතක දී මෙරට සංචාරයක යෙදුණු ඉන්දීය අගමැති නරේන්ද්‍ර මෝදි මහතා සමගිනි.

ඉන්දීය අගමැතිවරයාගේ මෙරට සංචාරයේ දී විපක්ෂ නායකවරයා මුණගැසුණු අවස්ථාවේ නාමල් රාජපක්ෂ මහතා සමඟ සිදු වූ කෙටි සාකච්ඡාවක දී මන්ත්‍රීවරයා සඳහන් කර ඇත්තේ තමන් සැප්තැම්බර් මස 17 දින විවාහ වන බවයි.

නරේන්ද්‍ර මෝදි මහතා එහිදී සඳහන් කර ඇත්තේ තමන්ගේ උපන්දිනය ද යෙදී ඇත්තේ එදිනට බවයි.

වාර්තා වන ආකාරයට නාමල් රාජපක්ෂ මහතා විවාහ දිවියට එක් වන්නේ මෙරට සංචාරක හෝටල් ගණනාවක් හිමි ප්‍රකට ව්‍යාපාරිකවකු වන වන තිලක් වීරසිංහ සහ කලක් මෙරට ධාවන ශූරියයක වූ අරුණි වික්‍රමරත්න මහත්මියගේ එකම දියණිය සමගයි.

0 comments

Post a Comment

Trending

facebook