දකුණු අප්‍රිකාව සමග පළමු ටෙස්ට් තරගය ජය ගැනීමෙන් අනතුරුව ශ්‍රී ලංකා කණ්ඩායම ජය සැමරූ අයුරු දැක්වෙන වීඩියෝවක් අන්තර්ජාලයට නිකුත් වීම ආන්දෝලනයට තුඩු දුන්නා.

මෙහිදී ශ්‍රී ලංකා ක්‍රීඩකයන් සිය නිළ ඇදුමෙන් සැරසී මත්පැන් පානය කරන අයුරුද, ජ්‍යේෂ්ඨ ක්‍රීඩකයෙක් අසභ්‍ය වචන පවසමින් සිටිනා අයුරුද දැක ගැනීමට හැකි විය.

මෙම වීඩියෝව අන්තර්ජාලය ඔස්සේ ප්‍රසිද්ධියට පත්වීමත් සමග දැඩි ආන්දෝලනයට තුඩු දුන් අතර රසිකයන් අතරද දැඩි කතාබහට ලක්වුනා. මේ වනවිට මෙම වීඩියෝව පිළිබඳ තවත් තොරතුරු හෙළිව තිබේ.

මේ පිළිබඳව ක්‍රිකට් අභ්‍යන්තර ආරංචි මාර්ග සඳහන් කරන්නේ මෙම වීඩියෝව සමාජජාලා මාධ්‍යයන්ට නිකුත් කිරීමටම ක්‍රීඩකයන් විසින් සකස් කර තිබෙනා බවයි. එයට හේතු වී තිබෙන්නේ පුහුණුකරු චන්දික හතුරුසිංහගේ සේවා කාලය දිගු කර ගැනීම බවද වාර්තා වේ. පුහුණුකරු චන්දික හතුරුසිංහට අතිශය සමිප යොවුන් මුල් පෙළ පිතිකරුවෙක් සහ කඩුලු රකින ක්‍රීඩකයෙක් විසින් ඒ සදහා පෙරමුණ ගෙන තිබෙන බවද වාර්තා වේ.

තරගය ජය ගැනීමෙන් පසු රසිකයන් අතර කණ්ඩායම ප්‍රසාදයට ලක්වූ අතර එය උපයෝගි කර ගනිමින් පුහුණුකරුට ඉවත් කිරීමේ අවදානම ඉවත් කර ගැනීම ඔවුන්ගේ සැලසුම විසිනි.

මෙම අවස්තාව වීඩියෝ ගත කර තිබෙන්නේ කණ්ඩායමේ කාර්ය මණ්ඩලයේ සිටිනා විදේශිකයෙක් බවද වාර්තා වේ. ඔහු සිංහල භාෂාව නොදන්නා නිසා ජ්‍යේෂ්ඨ ක්‍රීඩකයා විසින් අසභ්‍ය වචන භාවිතා කිරීමද වීඩියෝගත කර තිබේ.

කෙසේ වෙතත් මේ අවස්තාවේ ක්‍රීඩකයන් විසින් සිය ගිවිසුමේ පවතිනා විනය කොන්දේසි තුනක් කඩ කර තිබෙන බවත් ඔවුන්ට විනය පරීක්ෂණයක් සිදු කරනවාදැයි තවමත් තීරණය කර නොමැති බවත් ශ්‍රී ලංකා ක්‍රිකට් අභ්‍යන්තර ආරංචි මාර්ග සඳහන් කරනවා.

0 comments

Post a Comment

Trending

facebook