ලංකාවේ පාතාලය ඩුබායි වලින් හමුවෙද්දී ඇමරිකාවේ පාතාලය ලංකාවෙන් හමුවෙයි ! - " ශ්‍රී ලංකාවට ස්තූතියි " ඇමරිකාවෙන් පණිවිඩයක්












කෝටි 108 ක් වටිනා මත්කුඩු කිලෝ 97 ක් සමග ඉකුත් ජනවාරි 22 වැනිදා අත්අඩංගුවට ගත් ඇමරිකානුවන් දෙදෙනාගෙන් ප‍්‍රශ්න කිරීම සඳහා දිවයිනට පැමිණි ඇමෙරිකාවේ පොලිස් බුද්ධි අංශයේ පොලිස් පරීක්‍ෂකයන් එම සැකකරුවන් දෙදෙනා එරටට අවශ්‍ය වරෙන්තුකරුවන් බවට හෙළිකර ඇත.

ඇමරිකානුවන් දෙදෙනාගෙන් එක් අයකු එරට ප‍්‍රධාන පෙළේ මත්කුඩු ජාවාරම්කරුවකු බවත් අනෙකා මුදල් විශුද්ධිකරණය පිළිබඳව ඇමෙරිකාවේ නම්දරා ඇති පවුලක අයකු බවත් එම පොලිස් නිලධාරීන් අනාවරණය කරගෙන ඇතග මත්කුඩු ජාවාරම් කිරීම පමණක් නොව කළු සල්ලි ඉපයීම සඳහා ශ‍්‍රී ලංකාවේ නියෝජිතයකු අවශ්‍ය බැවින් තමන් කලක් තිස්සේ මෙහි පැමිණ මත්කුඩු ජාවාරමේ නියැළී ඇතැයි එම සැකකරුවන් දෙදෙනා සඳහන් කර තිබේ.

මෙම සැකකරුවන් දෙදෙනා අත්අඩංගුවට ගැනීමට කි‍්‍රයාකළ පොලිස් විශේෂ කාර්ය බළකායට සහ මත්ද්‍රව්‍ය නාශක අංශයට බෙහෙවින් ස්තුති කරන බවද ඇමෙරිකන් බුද්ධි නිලධාරීන් දෙදෙනා පවසා ඇත.

Post a Comment

0 Comments